ਪੁਰਾਤਨ ਵੈਦਿਕ ਗਣਿਤ ਦੀ ਵਿਧੀਆਂ ਨੂੰ ਪ੍ਰੋਤਸਾਹਿਤ ਕਰਨ ਲਈ ਪੁਸਤਿਕਾ ਵੰਡ ਸਮਾਰੋਹ ਆਯੋਜਿਤ
ਬਰਨਾਲਾ-7 ਜੁਲਾਈ- ਪ੍ਰਧਾਨ ਮੰਤਰੀ ਸ਼੍ਰੀ ਸਕੂਲਾਂ ਦੇ ਤਹਿਤ ਚਲ ਰਹੇ PM SHRI GSSS Cheema Jodhpur Barnala ਵਿਖੇ ਅੱਜ ਵਿਦਿਆਰਥੀਆਂ ਵਿੱਚ ਵੈਦਿਕ ਗਣਿਤ ਨੂੰ ਉਤਸ਼ਾਹਤ ਕਰਨ ਲਈ ਵਿਸ਼ੇਸ਼ ਪੁਸਤਿਕਾ ਵੰਡ ਸਮਾਰੋਹ ਆਯੋਜਿਤ ਕੀਤਾ ਗਿਆ।
ਸਕੂਲ ਦੇ ਪ੍ਰਿੰਸਿਪਲ ਸ੍ਰੀ ਅਨੀਲ ਕੁਮਾਰ ਮੋਦੀ ਨੇ ਦੱਸਿਆ ਕਿ ਵੈਦਿਕ ਗਣਿਤ ਭਾਰਤ ਦੀ ਪੁਰਾਤਨ ਗਣਨਾਤਮਕ ਤਕਨੀਕਾਂ ਦੀ ਇੱਕ ਅਮੂਲ ਧਰੋਹਰ ਹੈ, ਜੋ ਗਣਨਾ ਨੂੰ ਤੇਜ਼, ਸਰਲ ਅਤੇ ਤਾਰਕਿਕ ਬਣਾਉਂਦੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਯਤਨ ਵਿਦਿਆਰਥੀਆਂ ਵਿੱਚ ਗਣਿਤੀ ਕੌਸ਼ਲ ਨੂੰ ਨਿਖਾਰਨ ਦੇ ਨਾਲ ਨਾਲ ਉਨ੍ਹਾਂ ਦੇ ਮੌਜੂਦਾ ਪਾਠਕ੍ਰਮ ਦੀ ਸਮਝ ਨੂੰ ਵੀ ਹੋਰ ਮਜ਼ਬੂਤ ਕਰੇਗਾ।
ਕਾਰਜਕ੍ਰਮ ਤਹਿਤ ਵਿਦਿਆਰਥੀਆਂ ਨੂੰ ਵੈਦਿਕ ਗਣਿਤ ‘ਤੇ ਆਧਾਰਿਤ ਵਿਸ਼ੇਸ਼ ਪੁਸਤਿਕਾਵਾਂ ਵੰਡੀਆਂ ਗਈਆਂ। ਪ੍ਰਿੰਸਿਪਲ ਨੇ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਕਿ ਉਹ ਅਧਿਆਪਕਾਂ ਦੀ ਮਦਦ ਨਾਲ ਇਨ੍ਹਾਂ ਵਿਧੀਆਂ ਨੂੰ ਸਿੱਖਣ ਅਤੇ ਅਭਿਆਸ ਕਰਨ ਦੀ ਕੋਸ਼ਿਸ਼ ਕਰਨ, ਤਾਂ ਜੋ ਪ੍ਰਤੀਯੋਗੀ ਪਰਖਾਵਾਂ ਅਤੇ ਰੋਜ਼ਮਰ੍ਹਾ ਦੀ ਗਣਨਾ ਵਿੱਚ ਨਿਪੁੰਣਤਾ ਹਾਸਲ ਹੋ ਸਕੇ।
ਇਸ ਮੌਕੇ ਤੇ ਸਕੂਲ ਦੇ ਕਈ ਸਟਾਫ ਮੈਂਬਰ ਮੌਜੂਦ ਰਹੇ, ਜਿਨ੍ਹਾਂ ਵਿੱਚ ਸ਼੍ਰੀਮਤੀ ਮੀਨਾਖ਼ੀ ਗਰਗ, ਸੁਖਦੀਪ ਕੌਰ, ਪੁਨਮ ਸ਼ਰਮਾ, ਹਰਪ੍ਰੀਤ ਸਿੰਘ, ਵੀਰਪਾਲ ਕੌਰ, ਰਾਸ਼ੀ, ਅਮਨਦੀਪ ਕੌਰ, ਗਗਨਦੀਪ ਕੌਰ, ਬਲਵੀਰ ਸਿੰਘ, ਜਸਮੇਲ ਸਿੰਘ, ਮਨਪ੍ਰੀਤ ਕੌਰ, ਲੈਕਚਰਾਰ ਮੰਜੀਤ ਕੌਰ, ਡਾ. ਜਤਿੰਦਰ ਜੋਸ਼ੀ, ਗੁਰਮੀਤ ਕੌਰ ਅਤੇ ਲਲਿਤਾ ਗਰਗ ਮੁੱਖ ਤੌਰ ‘ਤੇ ਸ਼ਾਮਲ ਰਹੇ।
ਇਹ ਕਾਰਜਕ੍ਰਮ ਭਾਰਤੀ ਪਰੰਪਰਾਗਤ ਗਿਆਨ ਨੂੰ ਆਧੁਨਿਕ ਸਿੱਖਿਆ ਨਾਲ ਜੋੜਦਿਆਂ ਵਿਦਿਆਰਥੀਆਂ ਦੇ ਸਰਵਾਂਗੀਣ ਵਿਕਾਸ ਵੱਲ ਇੱਕ ਮਜ਼ਬੂਤ ਕਦਮ ਹੈ। ਸਕੂਲ ਪ੍ਰਬੰਧਨ ਨੇ ਇਸ ਪਹਿਲ ਨੂੰ ਭਵਿੱਖ ਵਿੱਚ ਵੀ ਜਾਰੀ ਰੱਖਣ ਦੀ ਵਚਨਬੱਧਤਾ ਜਤਾਈ।
About The Author
