ਪੂਰੀ ਉਤਸ਼ਾਹ ਨਾਲ ਮਨਾਇਆ ਗਿਆ ਤੀਜ ਮਹੋਤਸਵ PM SHRI GSSS ਚੀਮਾ ਜੋਧਪੁਰ ਵਿਖੇ
ਬਰਨਾਲਾ -26ਜੁਲਾਈ (ਰਾਕੇਸ਼ ਜੇਠੀ)- ਪੰਜਾਬ ਸਰਕਾਰ ਵੱਲੋਂ ਜਾਰੀ “ਬੈਗ-ਲੈੱਸ ਡੇ” ਦੇ ਤਹਿਤ, ਪੀ ਐੱਮ ਸ਼੍ਰੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਚੀਮਾ ਜੋਧਪੁਰ ਵਿਚ ਤੀਜ ਦਾ ਤਿਉਹਾਰ ਰਚਨਾਤਮਕ ਤੇ ਰੰਗੀਨ ਢੰਗ ਨਾਲ ਮਨਾਇਆ ਗਿਆ। ਇਸ ਸਮਾਰੋਹ ਦੀ ਅਗਵਾਈ ਪ੍ਰਿੰਸੀਪਲ ਅਨੀਲ ਕੁਮਾਰ ਮੋਦੀ ਨੇ ਕੀਤੀ।
ਇਸ ਵਿਸ਼ੇਸ਼ ਮੌਕੇ ‘ਤੇ ਵਿਦਿਆਰਥੀਆਂ ਨੇ ਰੱਖੜੀ ਬਣਾਉਣ, ਵੈਦਿਕ ਗਣਿਤ, ਚਿੱਤਰਕਲਾ ਮੁਕਾਬਲੇ, ਪੰਜਾਬੀ ਫੁਲਕਾਰੀ, ਅਤੇ ਪੀਲੇ ਰੰਗ ਦੀ ਸਜਾਵਟ ਵਰਗੀਆਂ ਕਈ ਰੁਚਿਕਰ ਗਤਿਵਿਧੀਆਂ ਵਿੱਚ ਭਾਗ ਲਿਆ। ਵਿਦਿਆਰਥੀ ਪੁਲਿਸ ਕੈਡਟਾਂ ਨੇ ਵੀ ਸਾਂਝ ਕੇਂਦਰ ਇੰਚਾਰਜ ASI ਰਣੀ ਕੌਰ, ਉਨ੍ਹਾਂ ਦੇ ਸਾਥੀ ਸਰਬਜੀਤ ਕੌਰ ਤੇ ਸੁਖਦੀਪ ਸਿੰਘ ਦੇ ਨਾਲ ਸਟੂਡੈਂਟ ਪੁਲਸ ਕੈਡਿਟ ਬੱਚਿਆ ਨੇ ਵੀ ਗਤੀਵਿਧੀਆਂ ਵਿੱਚ ਭਰਪੂਰ ਸਹਿਭਾਗਤਾ ਨਿਭਾਈ।
ਮੀਡੀਆ ਕੋਆਰਡੀਨੇਟਰ ਡਾ. ਜਤਿੰਦਰ ਜੋਸ਼ੀ ਨੇ ਦੱਸਿਆ ਕਿ ਸਕੂਲ ਦੇ ਲਗਭਗ 300 ਵਿਦਿਆਰਥੀਆਂ ਨੇ ਤੀਜ ਤਿਉਹਾਰ ਦੀਆਂ ਗਤਿਵਿਧੀਆਂ ਵਿੱਚ ਭਾਗ ਲਿਆ, ਜਿਸ ਵਿੱਚ ਲੜਕੇ ਵੀ ਰੱਖੜੀ ਬਣਾਉਣ ਦੀ ਮੁਕਾਬਲੇ ਵਿੱਚ ਉਤਸ਼ਾਹ ਨਾਲ ਸ਼ਾਮਲ ਹੋਏ।
ਪ੍ਰਿੰਸੀਪਲ ਅਨੀਲ ਕੁਮਾਰ ਮੋਦੀ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ “ਵਿਦਿਆਰਥੀਆਂ ਨੂੰ ਪੰਜਾਬੀ ਸੰਸਕ੍ਰਿਤੀ ਅਤੇ ਪੰਪਰਾਵਾਂ ਨਾਲ ਜੋੜਨਾ ਅੱਜ ਦੇ ਸਮੇਂ ਦੀ ਲੋੜ ਹੈ। ਅਜਿਹੀਆਂ ਗਤਿਵਿਧੀਆਂ ਰਾਹੀਂ ਅਸੀਂ ਆਪਣੇ ਬੱਚਿਆਂ ਨੂੰ ਆਪਣੇ ਮੂਲਾਂ ਵਲ ਵਾਪਸ ਲੈ ਕੇ ਜਾ ਸਕਦੇ ਹਾਂ।”
ਇਸ ਸਮਾਰੋਹ ਵਿੱਚ ਲੈਕਚਰਰ ਯੁਵਰਾਜ, ਮਨਜੀਤ ਕੌਰ, ਪਰਮਜੀਤ ਕੌਰ, ਰਮਣਦੀਪ ਕੌਰ, ਰਤਨਦੀਪ ਸਿੰਘ, ਵੀਰਪਾਲ ਕੌਰ, ਰਿਸ਼ੂ ਰਾਣੀ, ਮੀਨਾਖ਼ਸ਼ੀ ਗਰਗ, ਪੁਨਮ ਸ਼ਰਮਾ, ਹਰਪ੍ਰੀਤ ਸਿੰਘ, ਕੁਲਦੀਪ ਕੌਰ, ਰਾਸ਼ੀ, ਅਮਨਦੀਪ ਕੌਰ, ਗਗਨਦੀਪ ਕੌਰ, ਬਲਵੀਰ ਸਿੰਘ, ਜਸਮੈਲ ਸਿੰਘ ਤੇ ਮਨਪ੍ਰੀਤ ਕੌਰ ਵੀ ਹਾਜ਼ਰ ਰਹੇ ਅਤੇ ਵਿਦਿਆਰਥੀਆਂ ਦੀਆਂ ਗਤਿਵਿਧੀਆਂ ਦੇ ਪ੍ਰਬੰਧ ਵਿਚ ਸਹਿਯੋਗ ਦਿੱਤਾ।
ਇਸ ਤਰ੍ਹਾਂ ਇਹ ਤੀਜ ਤਿਉਹਾਰ ਨਾ ਸਿਰਫ਼ ਇੱਕ ਰੁਚਿਕਰ ਤੇ ਰੰਗੀਨ ਦਿਨ ਬਣਿਆ, ਸਗੋਂ ਪੰਜਾਬੀ ਸੰਸਕ੍ਰਿਤਕ ਵਿਰਾਸਤ ਨੂੰ ਸਮਝਣ ਅਤੇ ਜਿਉਣ ਦਾ ਸੂਤਰ ਵੀ ਬਣਿਆ।
About The Author
