ਮੀਂਹ ਦੇ ਪਾਣੀ ਦੀ ਨਿਕਾਸੀ ਨਾ ਹੋਣ ਤੇ ਲੋਕਾਂ ਨੇ ਲਗਾਇਆ ਧਰਨਾ
ਨਗਰ ਕੌਂਸਲ ਦੇ ਪ੍ਰਧਾਨ ਅਤੇ ਕਾਰਜ ਸਾਧਕ ਅਫਸਰ ਵਿਰੁੱਧ ਕੀਤੀ ਨਾਅਰੇਬਾਜ਼ੀ
ਤਪਾ-3ਸਤੰਬਰ(ਰਾਕੇਸ਼ ਜੇਠੀ)- ਪਾਣੀ ਦੀ ਨਿਕਾਸੀ ਨਾ ਹੋਣ ਕਾਰਨ ਬਾਜੀਗਰ ਬਸਤੀ ਦੇ ਲੋਕਾਂ ਨੇ ਨਾਮਦੇਵ ਮਾਰਗ ,ਨੇੜੇ ਰਾਮ ਬਾਗ ਕੋਲ ਧਰਨਾ ਲਾਕੇ ਚੱਕਾ ਜਾਮ ਕਰਕੇ ਰੋਸ਼ ਪ੍ਰਗਟ ਕੀਤਾ । ਧਰਨਕਾਰਿਆਂ ਕਿਰਨਾ ਦੇਵੀ,ਵੀਰਾਂ ਸਿੰਘ,ਸੱਤ ਪਾਲ,ਗੁਰਜੰਟ ਸਿੰਘ,ਕੁਲਦੀਪ ਕੋਰ,ਮਨਜੀਤ ਕੋਰ,ਮੱਖਣ ਕੋਰ,ਰਾਜਵਿੰਦਰ ਸਿੰਘ,ਮਹਿੰਦਰੋ,ਹੰਸ਼ੋ ਦੇਵੀ,ਰਾਣੀ ਦੇਵੀ ਆਦਿ ਨੇ ਦੱਸਿਆ ਕਿ ਉਨਾਂ ਦੀ ਬਸਤੀ ਦਾ ਪਾਣੀ ਦੀ ਨਿਕਾਸੀ ਬਿਲਕੁਲ ਹੀ ਬੰਦ ਹੋਈ ਪਈ ਹੈ। ਜਿਸ ਕਾਰਨ ਲੋਕਾਂ ਦੇ ਘਰਾਂ ਦੀਆਂ ਛੱਤਾਂ ਡਿੱਗ ਰਹੀਆਂ ਹਨ ਅਤੇ ਗਰੀਬ ਲੋਕਾਂ ਦਾ ਰਹਿਣ ਬਸਹਿਰਾ ਬਿਲਕੁਲ ਮੁਸ਼ਕਿਲ ਹੋ ਗਿਆ ਹੈ। ਨਗਰ ਕੌਂਸਲ ਦੇਅਧਿਕਾਰੀ ਪੈਸੇ ਲੈ ਕੇ ਨਜਾਇਜ਼ ਕਬਜ਼ੇ ਕਰਵਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਨਗਰ ਕੌਸਲ ਤਪਾ ਵੱਲੋਂ ਇਥੋਂ ਉਸਾਰੀ ਨਾ ਕਰਨ ਦਾ ਨੋਟਿਸ ਵੀ ਲਗਾ ਦਿੱਤਾ ਸੀ ਅਤੇ ਐਸ.ਡੀ.ਐਮ,ਪੁਲਸ ਪ੍ਰਸ਼ਾਸਨ ਨੂੰ ਵੀ ਮੰਗ ਪੱਤਰ ਦਿੱਤਾ ਗਿਆ ਸੀ ਪਰ ਕਬਜਾਧਾਰਕਾਂ ਨੂੰ ਇਸ ਗੱਲ ਦੀ ਕੋਈ ਪ੍ਰਵਾਹ ਨਹੀਂ ਕੀਤੀ ਅਤੇ ਨਜਾਇਜ ਉਸਾਰੀ ਕਰਕੇ ਪਾਣੀ ਰੋਕ ਦਿੱਤਾ ਹੈ। ਉਨ੍ਹਾਂ ਪ੍ਰਸ਼ਾਸਨ ਨੂੰ ਚੇਤਾਵਨੀ ਦਿੱਤੀ ਕਿ ਉਨ੍ਹਾਂ ਸਮੇਂ ਤੱਕ ਧਰਨਾ ਨਹੀਂ ਚੁਕਿਆਂ ਜਾਵੇਗਾ ਜਿਨ੍ਹਾਂ ਸਮਾਂ ਇਸ ਨਜਾਇਜ ਉਸਾਰੀ ਹਟਾਕੇ ਪਾਣੀ ਦੀਨਿਕਾਸੀ ਦਾ ਪ੍ਰਬੰਧ ਨਹੀਂ ਕੀਤਾ ਜਾਂਦਾ। ਇਸ ਸੰਬੰਧੀ ਜਦ ਕਾਰਜਸਾਧਕ ਅਫਸਰ ਹਰਪਰੀਤ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਅਸੀਂ ਪਹਿਲਾਂ ਹੀ 195 ਦੇ ਤਹਿਤ ਨਜਾਇਜ ਉਸਾਰੀ ਨੋਟਿਸ ਜਾਰੀ ਕੀਤਾ ਹੋਇਆ ਹੈ,ਅਗਰ ਫਿਰ ਵੀ ਇਹ ਨਜਾਇਜ ਉਸਾਰੂੀ ਨਹੀਂ ਛੱਡਣਗੇ ਤਾਂ ਇਹ ਮਾਮਲਾ ਮਾਨਯੋਗ ਅਦਾਲਤ ‘ਚ ਚਲਾ ਜਾਵੇਗਾ।
ਇਸ ਮੋਕੇ ਹਾਜਰ ਚੌਂਕੀ ਇੰਚਾਰਜ ਬਲਜੀਤ ਸਿੰਘ ਢਿਲੋਂ ਅਪਣੀ ਪੁਲਸ ਪਾਰਟੀ ਧਰਨਾਕਾਰੀਆਂ ਨੂੰ ਸਮਝਾਉਣ ‘ਚ ਲੱਗੀ ਹੋਈ ਸੀ ਪਰ ਧਰਨਾਕਾਰੀ,ਅੜੇ ਹੋਏ ਸੀ ਕਿ ਜਿਨ੍ਹਾਂ ਸਮਾਂ ਨਜਾਇਜ ਉਸਾਰੀ ਢਾਹੀ ਨਹੀਂ ਜਾਂਦੀ ਧਰਨਾ ਜਾਰੀ ਰਹੇਗਾ। ਕਬਜਾਧਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਇਹ ਜਗ੍ਹਾਂ ਲੱਖਾਂ ਰੁਪਏ ਦੀ ਮੁੱਲ ਲੈਕੇ ਉਸਾਰੀ ਕੀਤੀ ਹੈ,ਕੋਈ ਨਜਾਇਜ ਨਹੀਂ ਕੀਤੀ ਗਈ।
ਧਰਨਾਕਾਰੀਆਂ ਨੇ ਨਗਰ ਕੌਂਸਲ ਦੇ ਪ੍ਰਧਾਨ ਕਾਰਜ ਸਾਧਕ ਅਫਸਰ ਅਤੇ ਪੰਜਾਬ ਸਰਕਾਰ ਵਿਰੁੱਧ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਧਰਨਾਕਾਰੀਆਂ ਨੂੰ ਨਗਰ ਕੌਂਸਲ ਦੇ ਇੰਸਪੈਕਟਰ ਸਤਪਾਲ ਅਤੇ ਸਿਟਿੰਗ ਚਾਰਜ ਬਲਜੀਤ ਸਿੰਘ ਢਿੱਲੋਂ ਵੱਲੋਂ ਵਿਸ਼ਵਾਸ ਦਵਾਇਆ ਗਿਆ ਕਿ ਜਲਦੀ ਹੀ ਉਹ ਇਸ ਸਬੰਧੀ ਕਾਰਵਾਈ ਕਰਨਗੇ ਅਤੇ ਇਸ ਤੋਂ ਬਾਅਦ ਧਰਨਾਕਾਰੀਆਂ ਨੇ ਧਰਨਾ ਸਮਾਪਤ ਕਰਨ ਦੀ ਸਹਿਮਤੀ ਜਤਾਈ।
About The Author
