NDRF ਬਠਿੰਡਾ ਪੰਜਾਬ ਡਿਵੀਜ਼ਨ ਵੱਲੋਂ ਸਕੂਲ ਸੁਰੱਖਿਆ ਪ੍ਰੋਗਰਾਮ ਦਾ ਕੀਤਾ ਆਯੋਜਨ
ਪੀ.ਐੱਮ. ਸ਼੍ਰੀ ਗਵਰਨਮੈਂਟ ਸੀਨੀਅਰ ਸੈਕੰਡਰੀ ਸਕੂਲ ਚੀਮਾ ਜੋਧਪੁਰ ਵਿੱਚ ਅੱਜ 7ਵੀਂ ਨੇਸ਼ਨਲ ਡਿਜਾਸਟਰ ਰਿਸਪਾਂਸ ਫੋਰਸ (NDRF), ਬਠਿੰਡਾ ਪੰਜਾਬ ਡਿਵੀਜ਼ਨ ਵੱਲੋਂ ਸਕੂਲ ਸੁਰੱਖਿਆ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਇਹ ਪ੍ਰੋਗਰਾਮ ਵਿਦਿਆਰਥੀ ਪੁਲਿਸ ਕੈਡਟ ਸਕੀਮ ਦੇ ਤਹਿਤ ਕਰਵਾਇਆ ਗਿਆ ਤਾਂ ਜੋ ਵਿਦਿਆਰਥੀਆਂ ਨੂੰ ਐਮਰਜੈਂਸੀ ਹਾਲਾਤਾਂ ਵਿੱਚ ਸੁਰੱਖਿਅਤ ਤਰੀਕੇ ਨਾਲ ਕਾਰਵਾਈ ਕਰਨ ਲਈ ਤਿਆਰ ਕੀਤਾ ਜਾ ਸਕੇ।
ਪ੍ਰੋਗਰਾਮ ਦੀ ਅਗਵਾਈ ਇੰਸਪੈਕਟਰ ਵਿਕਰਮ ਨੇ ਕੀਤੀ। ਉਨ੍ਹਾਂ ਨੇ ਖੂਨ ਬਹਾਉ ਰੋਕਣ ਦੇ ਤਰੀਕੇ, ਗੰਭੀਰ ਚੋਟਾਂ ਦੀ ਸੰਭਾਲ, ਅੱਗ ਲੱਗਣ ਦੀ ਸਥਿਤੀ ਵਿੱਚ ਸੁਰੱਖਿਅਤ ਨਿਕਾਸ ਦੇ ਤਰੀਕੇ, ਹੜ੍ਹ ਦੌਰਾਨ ਵਰਤੇ ਜਾਣ ਵਾਲੇ ਫਲੋਟਿੰਗ ਡਿਵਾਈਸ ਅਤੇ ਐਮਰਜੈਂਸੀ CPR ਤਕਨੀਕਾਂ ਦੀ ਵਿਸਥਾਰ ਨਾਲ ਡੈਮੋਨਸਟ੍ਰੇਸ਼ਨ ਦਿੱਤੀ। ਵਿਦਿਆਰਥੀਆਂ ਨੇ ਇਹ ਤਕਨੀਕਾਂ ਧਿਆਨ ਨਾਲ ਸਿੱਖੀਆਂ ਅਤੇ ਆਫਤ ਸਮੇਂ ਸਵੈ-ਸੁਰੱਖਿਆ ਅਤੇ ਦੂਜਿਆਂ ਦੀ ਸਹਾਇਤਾ ਬਾਰੇ ਮਹੱਤਵਪੂਰਨ ਗਿਆਨ ਪ੍ਰਾਪਤ ਕੀਤਾ।
ਐਨ.ਡੀ.ਆਰ.ਐਫ. ਦੀ ਟੀਮ ਵਿੱਚ ਹੈਡ ਕਾਂਸਟੇਬਲ ਸੁਨੀਲ, ਰਜਨਨ ਘੋਸ਼ (ਕਾਂਸਟੇਬਲ), ਹੈਡ ਕਾਂਸਟੇਬਲ ਸਤਿੰਦਰ ਕੁਮਾਰ, ਕਾਂਸਟੇਬਲ ਆਕਾਸ਼ ਜੈਨ, ਕਾਂਸਟੇਬਲ ਰਾਜੇਸ਼ ਘੋਸ਼, ਕਾਂਸਟੇਬਲ ਰਾਹੁਲ ਕੁਮਾਰ, ਸਿਵਾਲੀ ਸਤੀਸ਼, ਕਾਂਸਟੇਬਲ ਸੂਰਜ ਵਿਲਾਸ, ਮਧੁ ਬਾਲਾ, ਸਾਲੂ ਚੌਧਰੀ, ਕਾਂਸਟੇਬਲ ਵਿਜੈ ਕੁਮਾਰ ਸੁਰਿੰਦਰ ਅਤੇ ਰਸ਼ੀਦ ਖਾਨ ਸ਼ਾਮਲ ਸਨ। ਟੀਮ ਨੇ ਵਿਦਿਆਰਥੀਆਂ ਦੇ ਪ੍ਰਸ਼ਨਾਂ ਦਾ ਉੱਤਰ ਦਿੱਤਾ ਅਤੇ ਉਨ੍ਹਾਂ ਨੂੰ ਆਪਦਾ ਸਮੇਂ ਸ਼ਾਂਤ ਰਹਿ ਕੇ ਸਹੀ ਤਰੀਕੇ ਨਾਲ ਕਾਰਵਾਈ ਕਰਨ ਲਈ ਪ੍ਰੇਰਿਤ ਕੀਤਾ।
ਵਿਦਿਆਰਥੀ ਪੁਲਿਸ ਕੈਡਟ ਸਕੀਮ ਦੇ ਨੋਡਲ ਅਧਿਕਾਰੀਆਂ ਜਤਿੰਦਰ ਜੋਸ਼ੀ ਨੇ ਵੀ ਪ੍ਰੋਗਰਾਮ ਦੌਰਾਨ ਸਰਗਰਮ ਭੂਮਿਕਾ ਨਿਭਾਈ ਅਤੇ ਸਕੂਲ ਅਤੇ ਐਨ.ਡੀ.ਆਰ.ਐਫ. ਵਿੱਚ ਸੰਪਰਕ ਬਣਾਇਆ।
ਐਨ.ਡੀ.ਆਰ.ਐਫ. ਦਾ ਨਾਰਾ “ਆਪਦਾ ਸੇਵਾ ਸਦੈਵ ਸਰਵਤ੍ਰ” ਪ੍ਰੋਗਰਾਮ ਦੀ ਕੇਂਦਰੀ ਭਾਵਨਾ ਬਣਿਆ ਰਿਹਾ। ਬਾਲ ਦਿਵਸ ਦੇ ਮੌਕੇ ਤੇ ਆਯੋਜਿਤ ਇਹ ਮੁਹਿੰਮ ਵਿਦਿਆਰਥੀਆਂ ਲਈ ਸਿੱਖਣ, ਸਮਝਣ ਅਤੇ ਅਭਿਆਸ ਕਰਨ ਦਾ ਇੱਕ ਕੀਮਤੀ ਮੌਕਾ ਸਾਬਤ ਹੋਈ। ਇਸ ਨੇ ਵਿਦਿਆਰਥੀਆਂ ਵਿੱਚ ਸੁਰੱਖਿਆ ਪ੍ਰਤੀ ਜਾਗਰੂਕਤਾ ਅਤੇ ਸਵੈ-ਵਿਸ਼ਵਾਸ ਨੂੰ ਬਹੁਤ ਮਜ਼ਬੂਤ ਕੀਤਾ।
ਇਸ ਮੌਕੇ ਸਕੂਲ ਸਟਾਫ ਮੈਂਬਰ ਵੀਰਪਾਲ ਕੌਰ, ਰਮਨਦੀਪ ਕੌਰ, ਨਵਦੀਪ ਸ਼ਰਮਾ, ਪਰਮਜੀਤ ਕੌਰ, ਜਸਕਰਨ ਸਿੰਘ, ਹਰਪ੍ਰੀਤ ਸਿੰਘ, ਰਿਸ਼ੂ ਰਾਣੀ, ਮੀਨਾਕਸ਼ੀ ਗਰਗ ਅਤੇ ਬਲਵੀਰ ਸਿੰਘ,ਰਾਸ਼ੀ,ਸੁਮਨ ਬਾਲਾ,ਅਮਨਦੀਪ ਕੌਰ,ਕੁਲਦੀਪ ਕੌਰ ਹਾਜਰ ਸਨ।ਸਕੂਲ ਪ੍ਰਿੰਸੀਪਲ ਅਨਿਲ ਕੁਮਾਰ ਨੇ ਐਨ.ਡੀ.ਆਰ.ਐਫ. ਦੀ ਪੂਰੀ ਟੀਮ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਵਿਦਿਆਰਥੀਆਂ ਵਿੱਚ ਸੁਰੱਖਿਆ ਪ੍ਰਤੀ ਜ਼ਿੰਮੇਵਾਰੀ ਅਤੇ ਤਿਆਰੀ ਨੂੰ ਹੋਰ ਮਜ਼ਬੂਤ ਬਣਾਉਂਦੇ ਹਨ।
About The Author
