ਮਾਪੇ ਰੋਲ ਮਾਡਲ ਬਣ ਕੇ ਬੱਚਿਆਂ ਨੂੰ ਸੰਸਕਾਰੀ ਅਤੇ ਨੈਤਿਕ ਕਦਰਾਂ ਕੀਮਤਾਂ ਦਾ ਧਾਰਨੀ ਬਣਾਉਣ —- ਪੂਜਨੀਕ ਸੁਧਾਂਸ਼ੂ ਜੀ ਮਹਾਰਾਜ
ਬਰਨਾਲਾ , 28 ਨਵੰਬਰ (ਸੁਖਵਿੰਦਰ ਸਿੰਘ ਭੰਡਾਰੀ)-ਵਿਸ਼ਵ ਜਾਗ੍ਰਿਤੀ ਮਿਸ਼ਨ ਬਰਨਾਲਾ ਮੰਡਲ ਵੱਲੋਂ ਗੁਰੂਦੇਵ ਸ਼੍ਰੀ ਸੁਧਾਂਸ਼ੂ ਜੀ ਮਹਾਰਾਜ ਜੀ ਦੇ ਆਸ਼ੀਰਵਾਦ ਨਾਲ ਨਵੀਂ ਅਨਾਜ ਮੰਡੀ ਬਰਨਾਲਾ ਵਿਖੇ ਕਰਵਾਏ ਜਾ ਰਹੇ ਵਿਰਾਟ ਭਗਤੀ ਸਤਸੰਗ ( ਗੀਤਾ ਦਾ ਜੀਵਨ ਸੰਦੇਸ਼) ਦੇ ਦੂਸਰੇ ਦਿਨ ਦੇ ਸਵੇਰ ਦੇ ਸੈਸ਼ਨ ਦੌਰਾਨ ਬੱਚਿਆਂ ਦਾ ਮਾਰਗ ਦਰਸ਼ਨ ਕਰਦਿਆਂ ਸ੍ਰੀ ਸੁਧਾਂਸ਼ੂ ਜੀ ਮਹਾਰਾਜ ਨੇ ਚੰਗੇ ਸੱਭਿਆਚਾਰ, ਵਿਚਾਰਾਂ ਅਤੇ ਨੈਤਿਕਤਾ ਨਾਲ ਭਰਿਆ ਵਾਤਾਵਰਣ ਬਣਾਉਣ ਦੀ ਮਹੱਤਤਾ ‘ਤੇ ਜ਼ੋਰ ਦਿੱਤਾ ਅਤੇ ਮਾਪਿਆਂ ਨੂੰ ਕਿਹਾ ਕਿ ਉਹ ਆਪਣੇ ਵਿਵਹਾਰ ਦੁਆਰਾ ਮਾਡਲ ਬਣ ਕੇ ਬੱਚਿਆਂ ਨੂੰ ਸੰਸਕਾਰੀ ਬਣਾਉਣ। ਉਹ ਮਾਪਿਆਂ ਨੂੰ ਸਲਾਹ ਦਿੰਦੇ ਹਨ ਕਿ ਉਹ ਆਪਣੇ ਬੱਚਿਆਂ ਚ ਚੰਗੇ ਗੁਣ ਵਿਕਸਤ ਕਰਨ, ਆਪਣੇ ਬਜ਼ੁਰਗਾਂ ਦਾ ਸਤਿਕਾਰ ਕਰਨ, ਆਪਣੇ ਆਰਾਮ ਖੇਤਰਾਂ ਤੋਂ ਪਰੇ ਜਾਣ ਅਤੇ ਹਮਦਰਦੀ ਅਤੇ ਸੇਵਾ ਦਾ ਅਭਿਆਸ ਕਰਨ ਲਈ ਪ੍ਰੇਰਿਤ ਕਰਨ। ਬੱਚੇ ਦੀਵੇ ਵਾਂਗ ਹੁੰਦੇ ਹਨ ਜੋ ਭਵਿੱਖ ਨੂੰ ਰੌਸ਼ਨ ਕਰਦੇ ਹਨ। ਉਹ ਉਨ੍ਹਾਂ ਨੂੰ ਦਿਖਾਏ ਗਏ ਚੰਗੇ ਅਤੇ ਨੇਕ ਮਾਰਗ ‘ਤੇ ਚੱਲਣਗੇ, ਇਸ ਲਈ ਮਾਪਿਆਂ ਨੂੰ ਉਨ੍ਹਾਂ ਦੀ ਸਲਾਹ ਦੇ ਉਲਟ ਵਿਵਹਾਰ ਵਿੱਚ ਸ਼ਾਮਲ ਨਹੀਂ ਹੋਣਾ ਚਾਹੀਦਾ। ਬੱਚੇ ਦੇ ਮਨ ਨੂੰ ਸਕਾਰਾਤਮਕ ਢੰਗ ਨਾਲ ਢਾਲਣ ਲਈ ਚੰਗੇ ਸੱਭਿਆਚਾਰ, ਵਿਚਾਰਾਂ ਅਤੇ ਨੈਤਿਕਤਾ ਦੀ “ਸੁਗੰਧ” ਨਾਲ ਭਰਪੂਰ ਵਾਤਾਵਰਣ ਬਣਾਓ।
ਮਾਪਿਆਂ ਅਤੇ ਬਜ਼ੁਰਗਾਂ ਦਾ ਸਤਿਕਾਰ ਕਰਨ ਦੀ ਮਹੱਤਤਾ ‘ਤੇ ਜ਼ੋਰ ਦਿਓ, ਕਿਉਂਕਿ ਇਹ ਪ੍ਰਾਪਤੀਆਂ ਦੀ ਪਰਵਾਹ ਕੀਤੇ ਬਿਨਾਂ ਇੱਕ ਬੁਨਿਆਦੀ ਫਰਜ਼ ਹੈ। ਮਾਪਿਆਂ ਦੇ ਨਿਰਸਵਾਰਥ ਪਿਆਰ ਅਤੇ ਸਖ਼ਤ ਮਿਹਨਤ ਨੂੰ ਹਮੇਸ਼ਾ ਯਾਦ ਰੱਖੋ ਅਤੇ ਉਨ੍ਹਾਂ ਦਾ ਸਨਮਾਨ ਕਰੋ, ਉਨ੍ਹਾਂ ਦੀਆਂ ਇੱਛਾਵਾਂ ਨੂੰ ਇੱਕ ਫਰਜ਼ ਵਜੋਂ ਪੂਰਾ ਕਰੋ।
ਬੱਚਿਆਂ ਦਾ ਜ਼ਿੰਦਗੀ ਦਾ ਇੱਕ ਟੀਚਾ ਹੋਣਾ ਚਾਹੀਦਾ ਹੈ। ਬੱਚਿਆਂ ਨੂੰ ਡਾਇਰੀ ਲਿਖਣੀ ਚਾਹੀਦੀ ਹੈ ਜਿਸ ਵਿੱਚ ਅੱਛੇ ਸੁਝਾਅ ਅਤੇ ਜੀਵਨ ਨਾਲ ਸੰਬੰਧਤ ਚੰਗੀਆ ਗੱਲਾਂ ਨੋਟ ਕਰਨੀਆਂ ਚਾਹੀਦੀਆਂ ਹਨ। ਮਾਪਿਆਂ ਨੂੰ ਬੱਚਿਆਂ ਨੂੰ ਜਿਆਦਾ ਡਾਂਟਣਾ ਨਹੀ ਚਾਹੀਦਾ ਬਲਕਿ ਦੋਸਤ ਬਣ ਕੇ ਗਾਈਡ ਕਰਨਾ ਚਾਹੀਦਾ ਹੈ ਵਿਦਿਆਰਥੀਆ ਨੂੰ ਅਧਿਆਪਕਾਂ ਦਾ ਸਨਮਾਨ ਕਰਨਾ ਚਾਹੀਦਾ ਹੈ। ਵਿਦਿਆਰਥੀਆ ਨੂੰ ਅਖ਼ਰੋਟ ਅਤੇ ਕਿਸ਼ਮਿਸ਼ ਅਤੇ ਕਾਲੀ ਮਿਰਚ , ਬਦਾਮ, ਸੇਬ ਆਪਣੇ ਭੋਜਨ ਵਿੱਚ ਜ਼ਰੂਰ ਸ਼ਾਮਿਲ ਕਰਨਾ ਚਾਹੀਦਾ ਹੈ। ਅੰਤ ਚ ਉਨ੍ਹਾਂ ਵਿਦਿਆਰਥੀਆਂ ਦੇ ਪ੍ਰਸ਼ਨਾਂ ਦੇ ਉੱਤਰ ਵੀ ਦਿੱਤੇ। ਇਸ ਸੈਸ਼ਨ ਦੌਰਾਨ ਮਦਰ ਟੀਚਰ ਸਕੂਲ, ਟੰਡਨ ਇੰਟਰਨੈਸ਼ਨਲ ਸਕੂਲ, ਗਾਂਧੀ ਆਰੀਆ ਸਕੂਲ, ਸਰਵਹਿੱਤਕਾਰੀ ਵਿੱਦਿਆ ਮੰਦਰ, ਐਲ ਵੀ ਐਸ ਸਕੂਲ ਦੇ ਦੋ ਹਜ਼ਾਰ ਤੋਂ ਵੱਧ ਵਿਦਿਆਰਥੀ ਅਤੇ ਅਧਿਆਪਕ ਹਾਜ਼ਰ ਹੋਏ। ਇਸ ਮੌਕੇ ਦੀਪਕ ਸੋਨੀ ਬਾਂਸਲ ਆਸਥਾ ਵਾਲੇ, ਘਣਸ਼ਿਆਮ ਦਾਸ ਬਾਂਸਲ, ਕੋਲੋਨਾਈਜਰ ਸ਼ਸ਼ੀਕਾਂਤ ਚੋਪੜਾ, ਕਾਂਤੀ ਸਰੂਪ ਸ਼ਰਮਾ, ਪਿਆਰਾ ਲਾਲ ਰਾਏਸਰ ਵਾਲੇ, ਰਾਜੇਸ਼ ਭੂਟਾਨੀ, ਬਬੀਤਾ ਜਿੰਦਲ, ਰਾਕੇਸ਼ ਜਿੰਦਲ, ਪ੍ਰਿੰਸੀਪਲ ਰਾਕੇਸ਼ ਗਰਗ, ਸੰਜੀਵ ਸ਼ਾਲੂ, ਮਨਜੀਤ ਕਾਂਸਲ, ਤੇਜ ਕੁਮਾਰ ਤੇਜ਼ੀ ਪਟਵਾਰੀ ਆਸਥਾ ਵਾਲੇ, ਰਾਜੀਵ ਮਿੱਤਲ, ਆਦਿ ਅਨੇਕਾਂ ਹੋਰ ਸੇਵਾਦਾਰ ਹਾਜ਼ਰ ਸਨ।
About The Author
